Жаңа ковид штамының негізгі белгілері.
Ковид-19 індетімен бүкіл әлем үшінші жыл күресіп келеді. Естеріңізде болса, Альфа, Бета, Гамма штамдары 2020 жылы пайда болды. 2021 жылдың басында – Delta және Delta+ штамдары, ал жылдың соңында – Omicron шықты. Қазіргі кезде орын алатын штамм ресми түрде “Omicron-COVID-19 lineage B.1.1.529” деп аталады, анықталған жері бойынша – “Оңтүстік африкалық коронавирус мутациясы”.
Бұл өте жұқпалы ауру түрі. Бір науқас 12 адамға қауіп төндіреді. Бұрынғы мутацияларда бұл көрсеткіш 5-6-дан аспайтын.
Жаңа штамның ерекшелігі инкубациялық кезеңнің қысқаруы болды (Гамма және Дельтамен салыстырғанда). Ол жоғарғы тыныс жолдарына енген сәттен бастап аурудың алғашқы белгілері пайда болғанға дейін бір-екі күн ғана өтеді.
Қоғамдық көліктегі бір сапарда сіз бірден бірнеше асимптоматикалық пациенттен инфекцияны жұқтырып ала аласыз, яғни вирустың жоғары дозасын алуға болады. Инкубациялық кезеңде адамда аурудың белгілері болмайды, бірақ ол тасымалдаушы болып табылады, сондықтан басқалар үшін қауіп төндіреді. Ауру ересектерге де, балаларға да әсер етеді.
Инфекцияның алғашқы белгілері әдеттегі респираторлық инфекцияға ұқсас. Ең алдымен, бұл айқын катаральды құбылыстар. Пациенттердің 80%-ы тамақ ауруы, түшкіру, ринореяға (мұрыннан ағу) шағымданады.
1-2 күн ішінде оған келесі сипаттар қосылады:
Гипертермия, температура 38℃ шегінде болады. Вакцинацияланбаған науқастарға жоғары температура тән. Ыстықты түсіретін препараттарды қабылдағаннан кейін температура төмендейді.
Тұрақты тамақ ауруы, шырышты қабықтың қызаруы орын алады.
Жөтел өнімсіз бұлықпа жөтелге айналады.
Әлсіздік, күш жоғалту орын алады. Симптомдар ағзаның вируспен күресу кезінде өлген иммундық қан жасушаларының ыдырау өнімдерімен улануымен байланысты.
Бас ауруы негізінен ересек пациенттерге тән.
Кеудедегі ауырлық, ентігу, қанықтылықтың аздап төмендеуі болады. Бұл белгілер жүрек-тамыр немесе тыныс алу жүйесінің созылмалы аурулары бар науқастарға тән.
Өз-өзіңізді емдеумен айналыспаңыз. Аурудың алғашқы белгілерінде-ақ тұрғылықты жеріңіздегі емханаға хабарласуыңыз керек. Әрбір емханада коронавирустық инфекцияға күдікті науқастарды қабылдайтын сүзгі бөлмелері бар.
